බාල, මහලු කොයි කවුරුත්
පලතුරුවලට කැමැති ය. බොහෝ දෙනෙක් පලතුරු ආහාරයට ගත්තත්, එහි ගුණ පිළිබඳ සහ ආහාරයට
ගත යුතු ප්‍රමාණය පිළිබඳ දන්නේ නැත .
බොහෝ
පලතුරුවල විටමින් හා ඛණිජ ලවණ බොහෝ ප්‍රමාණයක් අන්තර්ගතව ඇත. ඒ අතර පලතුරු බොහෝමයක
විටමින් සී, පොටෑසියම්, ෆොලේට් නමැති පෝෂණ
සංඝටක අඩංගුව තිබේ. මේ සංඝටක මඟින් සිරුරට අවශ්‍ය පෝෂණ සංඝටක ස්වභාවිකවම ලබා
ගැනීමට ද පුළුවන. පලතුරු බොහෝ ප්‍රමාණයක පවතින තන්තුමය ස්වභාවය හේතුවෙන්, කොලෙස්ටරෝල් මට්ටම අඩු කර
ගැනීමට මෙන් ම, ශරීරයේ
බර ප්‍රමාණය ද අඩු කර ගැනීමට පුළුවන. පලතුරුවල අඩංගු වී තිබෙන ඇන්ටිඔක්සයිඩ මඟින්, සිරුරේ ගෙවී ගිය සෛල නැවත නිපදවයි.
අනෙකුත්
ආහාරවලට සාපේක්ෂව පලතුරුවල අඩංගු වී ඇත්තේ අඩු කැලරි ප්‍රමාණයකි. එම නිසා, කොතරම් පලතුරු ප්‍රමාණයක්
වුණත්, ආහාරයට
ගත්තාට කිසිදු වරදක් නැත. එයින් ශරීරයේ බර ප්‍රමාණය ද වැඩි වන්නේ නැත. බටහිර වෛද්‍යවරුන්
ප්‍රකාශ කරන අන්දමට, දිනකට
දෙවරක්පලතුරු යුෂ පානය කිරීම, සිරුරට වඩාත් හිතකර ය. එමඟින් ස්ථුලතාව ද
මඟහරවා ගත හැකි ය. බටහිර වෛද්‍ය පර්යේෂණවලින් සනාථ කර ඇති පරිදි, දිනපතා පලතුරු ආහාරයට
ගැනීමෙන් පිළිකාව , දියවැඩියාව
හා අධික රුධිර පීඩනය යනාදී බෝ නොවන රෝග අවම කර ගත හැකි ය. බටහිර වෛද්‍යවරුන් පෙන්වා
දෙන අන්දමට, පලතුරු
ආහාරයට ගැනීමෙන් 7%
කින් පමණ හදවත් රෝග අවම කර ගැනීමට පුළුවන. ඇපල්, මිදි හා බ්ලුබෙරි වැනි පලතුරු වර්ග ආහාරයට
ගැනීමෙන් රුධිරයේ සීනී ප්‍රමාණය ද පාලනය කර ගත හැකි ය.
සිට්ට්‍රස්
වර්ගයට අයත් පලතුරු වර්ග ආහාරයට ගැනීමෙන්, වකුගඩු ආශ්‍රිත රෝග සහ මුත්‍රා ආසාදන තත්ත්ව
වළක්වා ගැනීමට පුළුවන. බටහිර වෛද්‍යවරුන් තම විද්‍යාත්මක පර්යේෂණ මඟින් පෙන්වා දී
ඇත්තේ, දවසකට
පලතුරු වර්ග පහකින්, ග්රෑම්
80
බැගින්, පලතුරු
ග්රෑම් 400ක්
ආහාරයකට ගත යුතු බව ය. අමෙරිකාවේ කෘෂිකර්ම දෙපාර්තමේන්තුව මඟින් පෙන්වා දී ඇත්තේ, සාමාන්‍ය පුද්ගලයකු දවසකට
පලතුරු වර්ග දෙකක් ආහාරයට ගත යුතු බව ය. අමෙරිකාවේ හදවත් රෝග සංගමය මඟින් පෙන්වා
දී ඇත්තේ, දවසකට
පලතුරු වර්ග පහක් ආහාරයට ගත යුතු බව ය.
උපුටා ගැනීමකි.(පුවත් පත් ඇසුරින්)
සැකසුම : විද්‍යා හා තාක්ෂණ නිළධාරි , ජා ඇල.
No comments:
Post a Comment